Azərbaycan Milli Elmlər Akademiyası

                          Nəsimi  adına
                        DİLÇİLİK   İNSTİTUTU



 


   
 
   
 
  RƏHBƏRLİK
   
Elmi katib
 
  HAQQIMIZDA
   
İnstitutun tarixi
Elmi şura
   
ŞÖBƏLƏR
   
Azərbaycan dilinin dialektologiyası şöbəsi
İctimaiyyətlə əlaqələr şöbəsi
Təhsil şöbəsi
 
 
DİGƏR
   
Qaynar xətt
Elmi kitabxana
Yeni nəşrlər
Elanlar
Gənc Alim və Mütəxəssislər Şurası
İnnovasiya
Konfranslar
Video
Mətbuat yazıları
Saytın xəritəsi
   
LİNKLƏR
   
 
 
 
   
 
SAYĞAC
 
free counters
05.03.2019

Şamaxıda Nəsimi irsinə həsr olunmuş tədbir

Bugünlərdə Şamaxı rayon Sabir qəsəbə tam orta məktəbində "Nəsimi irsinin Azərbaycan ədəbiyyatında rolu" movzusunda elmi-praktik konfrans keçirilib.

Konfransın əsas məqsədi şagirdləri Nəsimi yaradıcılığına dair kiçik elmi araşdırmalara cəlb edərək tədqiqata meyilləndirmək olub. Bu çərçivədə məktəblilər kifayət qədər maraqlı araşdırmalar aparıb və konfransda çıxış ediblər. Şagirdlərin araşdırmalarına konfransa qonaq qismində qatılan AMEA-nın Nəsimi adına Dilçilik İnstitutunun direktoru, akademik Möhsün Nağısoylu, Dillər Universitetinin Azərbaycan ədəbiyyatı kafedrasının dosenti, filologiya üzrə fəlsəfə doktoru Aytac Zeynalova qiymət verib, öz münasibətlərini bildiriblər. Tədbirdə Qobustan 3 saylı tam orta məktəbin müəllim və şagird kollektivi, Şamaxı rayonunun bir neçə məktəbindən gələn şagird və müəllimlər də qatılıblar. Konfransa gələn qonaqlar ilk olaraq Sabir qəsəbə tam orta məktəblilərinin Nəsiminin həyatından bəhs edən fraqmentlərdən ibarət rəsm sərgisinə baxıblar.

Məktəbin direktoru filologiya üzrə fəlsəfə doktoru Gülnurə Babaşova, Şamaxı rayon Təhsil Şöbəsinin aparıcı məsləhətçisi Həsən Qocayev çıxış edərək qonaqları salamlayıb, tədbirlə bağlı fikirlərini bölüşüblər. Akademik Möhsün Nağısoylu Nəsimi irsinin Azərbaycan ədəbiyyatında və ana dilimizin inkişafında xüsusi rolundan danışıb, mövzu ilə bağlı ətraflı çıxış edib. ADU-nun dosenti Aytac Zeynalova, Qobustan rayon 3 saylı tam orta məktəbdən Əməkdar müəllim Sədaqət Məhərrəmova da Nəsimi irsinin araşdırılmasına hər zaman ehtiyac duyulduğunu, şairinin yaradıcılığının daha da əhatəli öyrənilməsinin zərurliyilini vurğulayıblar.

Sonra şagirdlər Nəsimi yaradıcılığı ilə əlaqədar işlərini təqdim ediblər.

Akademik M.Nağısoylu və digər qonaqlar şagirdlərin Nəsimi irsinə maraq və məhəbbətini yüksək qiymətləndiriblər.

Sonda şagirdlərin hazırladıqları bədii kompozisiya təqdim olunub.

S.QARAYEVA

"525-ci qəzet"

SAYTDA AXTAR

© Bütün hüquqlar qorunur. Yazılardan istifadə edərkən sayta istinad edilməlidir.
Azərbaycan Milli Elmlər Akademiyası Nəsimi adına Dilçilik İnstitutu. 2012-2018.