15 mart 2023-cü il tarixində AMEA Nəsimi adına Dilçilik İnstitutunda İnstitutun Gənc Alim və Mütəxəssislər Şurasının təşkilatçılığı ilə “Dilçilik tribunası” layihəsi çərçivəsində fil.ü.f.d. Nabiyyə Zərbəlinin “İndoneziya dili öyrənən azərbaycanlı tələbələrin nitqində interferensiya” adlı seminarı təşkil olunmuşdur.
Nabiyyə Zərbəli çoxlu sayda tayfaların məskunlaşdığı
İndoneziyada dövlət dili ilə yanaşı, etnik və milli azlıqların dilləri və
mədəniyyətlərinin də öyrənilməsinə xüsusi əhəmiyyət verildiyini qeyd
edib.
Məruzəçi eyni zamanda bildirmişdir ki, 270 milyon əhalisi olan İndoneziyada 700-ə yaxın dil
mövcuddur. Bu dildə cümlə strukturu Azərbaycan dilindən fərqli olaraq
“Mübtəda, xəbər, ikinci dərəcəli üzvlər” sırasındadır.
Fonetik intereferensiyadan danışan məruzəçi vurğulayıb ki, söz
tərkibində “e-ə “saitləri yerini “ı” saitinə verir: mereka-mırıka.
İclasda Nəsimi adına Dilçilik İnstitutunun baş direktoru professor
Nadir Məmmədli İndoneziya-Azərbaycan münasibətlərindən bəhs edərək
bildirib ki, son illər ərzində iki ölkə əməkdaşlığını daha da gücləndirib. Biz
xalqlarımız arasında dostluq münasibətlərinin güclənməsinə,
mədəniyyətlərimizin inteqrasiyasına da önəm veririk.
Sonda məruzə ətrafında geniş müzakirə aparılıb.
Şrifti böyüt:
Çap et