16 mayda İstanbulda Hüseyn Cavid adına məktəbdə Ulu Öndər Heydər
Əliyevin 100 illik yubileyilə bağlı “Tarix yaradan böyük şəxsiyyət Heydər Əliyev”
mövzusunda konfrans keçirilib.
Tədbiri giriş sözü ilə açan məktəbin direktoru Şərqiyyə Məmmədova qonaqları
salamlayaraq, dövlətlərimiz arasındakı əlaqələrin günbəgün möhkəmləndiyini
deyib. O, Azərbaycan-Türkiyə münasibətlərinin güclənməsində hər iki ölkənin
dövlət başçılarının önəmli rol oynadıqlarını vurğulayıb, həmçinin ölkələrimiz
arasında olan birliyin hər zaman örnək olduğunu bildirib.
2023-cü ildə Azərbaycanın Ümummilli Lideri Heydər Əliyevin 100 illik
yubileyinin qeyd edildiyini vurğulayan Şərqiyyə Məmmədova bu əlamətdar hadisə
ilə əlaqədar Türkiyədə də bir sıra tədbirlərin keçirildiyini diqqətə çatdırıb.
Konfransda İstanbul millət vəkilləri Şamil Ayrım, Hasan Turan, Azərbaycanın
İstanbuldakı baş konsulu Nərminə Mustafayeva və bələdiyyə sədrləri iştirak
ediblər.
Tədbirdə çıxış edən AMEA Nəsimi adına Dilçilik İnstitutunun baş direktoru
professor Nadir Məmmədli “Heydər Əliyev və Azərbaycan dili” mövzusunda çıxış
edib.
Nadir Məmmədli qeyd edib ki, Ümummilli Lider Heydər Əliyevin xalq qarşısında
ən böyük tarixi xidmətlərindən biri də Azərbaycan dilinə dövlət dili statusunun
verilməsi təşəbbüsü idi. Müstəqilliyimiz bərpa olunduqdan sonra Azərbaycan dili
cəmiyyətin ictimai-siyasi, sosial-iqtisadi, elmi və mədəni həyatının bütün
sahələrində daha geniş istifadə edilməyə başlanıb, onun dövlət dili kimi maneəsiz
inkişafı üçün münbit zəmin yaranıb. Dilimizin kütləviliyi, inkişafı, qayda və
tələbləri Ümummilli Lider Heydər Əliyev tərəfindən imzalanan 2001-ci il 18 iyun
tarixli “Dövlət dilinin tətbiqi işinin təkmilləşdirilməsi haqqında” Fərmanda, eləcə
də 2002-ci il 30 sentyabr tarixli “Azərbaycan Respublikasının dövlət dili
haqqında” qanunda geniş şəkildə öz əksini tapıb.
Ümummilli Lider Heydər Əliyevin rəhbərliyi ilə işlənib-hazırlanan və 1995-ci ildə
ümumxalq səsverməsi ilə qəbul edilən Azərbaycan Respublikasının Konstitusiyası,“Azərbaycan Əlifbası və Azərbaycan Dili Gününün təsis edilməsi haqqında” 2001-
ci il 9 avqust tarixli Fərmanı dilimizin hüquqi statusunu, onun işlənməsi,
qorunması və inkişafı üçün zəruri olan tədbirləri müəyyənləşdirib. Ana dilimizi
qorumaq üçün böyük addımlar atan Ümummilli Liderin siyasi xətti Prezident
İlham Əliyev tərəfindən inamla davam etdirilir. Dövlətimizin başçısının 2004-cü il
yanvarın 12-də imzaladığı “Azərbaycan dilində latın qrafikası ilə kütləvi nəşrlərin
həyata keçirilməsi haqqında” Sərəncamıma əsasən, davamlı şəkildə latın qrafikalı
Azərbaycan əlifbası ilə çap olunacaq əsərlərin siyahısı hazırlandı.
Sonda şagirdlərin nitqində Ulu Öndərə aid şeirlər səsləndirilib.
Şrifti böyüt:
Çap et
