Qazaxıstanın A.Baytursunov adına Dilçilik İnstitutunun Tətbiqi dilçilik şöbəsinin əməkdaşları:
şöbə müdiri, filologiya elmləri doktoru Janabekova Ayman Abdildoyevna, həmin şöbənin elmi
işçiləri Telegenova Güldən Bakıtkazıyevna, Mursal Aygerim, Kataxmetova Aktotı Kojaxmetkızı
Azərbaycan Milli Elmlər Akademiyasının İ.Nəsimi adına Dilçilik İnstitutunun qonağı olublar. Səfər
çərçivəsində qonaqlar İnstitutun Süni intellekt və kompüter dilçiliyi şöbəsinin fəaliyyəti ilə
yaxından tanış olublar, milli dilin korpusunun hazırlanması ilə bağlı təcrübi bilik mübadiləsi
aparıblar. Onlara şöbənin apardığı elmi-tədqiqat işləri, kompüter linqvistikası sahəsindəki
layihələr və süni intellektə əsaslanan dil texnologiyaları haqqında ətraflı məlumat verilib.
Qazaxıstanlı alimlər institutun kitabxana fondu ilə də tanış olublar. Onlar burada saxlanılan
zəngin dilçilik ədəbiyyatı və elmi resurslar haqqında məlumat alıblar, nadir nəşrlərlə
maraqlanıblar.
Səfər çərçivəsində institutun müxtəlif şöbələrinin əməkdaşları ilə qarşılıqlı tanışlıq və fikir
mübadiləsi də baş tutub. Qonaqlar Dilçilik İnstitutunun direktoru, professor Nadir Məmmədli ilə
də görüşüblər. Görüşdə türk dilləri sahəsində elmi əməkdaşlıq, müştərək layihələr və gələcəkdə
ortaq tədqiqat istiqamətləri müzakirə olunub.
Görüş hər iki tərəf üçün məhsuldar elmi təmas və beynəlxalq əməkdaşlığın inkişafı baxımından
mühüm addım kimi dəyərləndirilib.
Şrifti böyüt:
Çap et
